Maharashtra 24 Taas Kavitangan

About Maharashtra 24 Taas Kavitangan Android App

महाराष्ट्र २४ तास या बातम्यांच्या न्युज पोर्टलमध्ये प्रकाशित झालेल्या आणि स्पर्धेत सहभागी झालेल्या कविता या कविता संग्रहत समाविष्ट करण्यात आलेल्या आहेत. निलेश बामणे, किशोर नार्वेकर, हेमंत सहस्त्रबुद्दे, किशोर राजपूत, विक्रम एडके अशा अनेक कवींच्या कविता यामध्ये समाविष्ट करण्यात आल्या आहेत. नवोदित कलाकारांना मानाचं व्यासपीठ स्थापन करुन देणे हा या काव्य-संग्रहाचा मूळ उद्देश आहे. दैनंदिन आयुष्य जगताना आयुष्यातील कटू-तिख्त आठवणी आपण कवितेच्या कुशीत जपून ठेवतो. कवीमनाची व्यक्ती प्रत्येक प्रसंगात कवितेचा आश्रय घेते. आपल्या जननीच्या कुशीत ज्यावेळेस आपण शिरतो त्यावेळेस आपल्याला सर्वात जास्त सुरक्षित वाटते. कवितेचेही असेच आहे. कवी सुद्धा कवितेच्या कुशीत शिरुन स्वतःस अधिक सुरक्षित समजतो.

कविता लिहिणे म्हणजे काही सोपे काम नाही. त्याकरिता एखाद्या ऋषीप्रमाणे तपश्चर्या आणि सिद्धी लागते. कवी ज्यावेळेस कविता लिहित असतो याचाच अर्थ तो समाधिस्त असतो. तो एका वेगळ्या दुनियेत विहार करीत असतो. याचे फलस्वरुप म्हणजे सुंदर, मनाला भावणारी कविता आपल्याला वाचावयास मिळते. अशा मनाला भावणार्या कविता या काव्य-संग्रहात आपल्याला वाचावयास मिळेल.

या काव्य संग्रहात विविध विषयांवरील कविता आपण वाचू शकता. प्रसव, या जीर्ण मंदीरातले, सल, प्रवाह अशा वेगळ्या धाटणीच्या कवितांचा आनंद आपण लुटू शकता. या काव्य संग्रहातील कवी जरी नवखे असले तरी त्यांच्या काव्यात प्रगल्भता आहे. तर आपण सर्वांनी हा काव्य संग्रह कसा वाटला हे आम्हाला कळवावे. सर्व कविंचे आणि जिद्द प्रकाशनचे मनःपूर्वक आभार...